Ang viral na empanada vendor sa Cebu ay naging inspirasyon sa maraming netizens matapos siyang makuhanan ng video habang masayang naglalako sa loob ng e-jeepney.
Ibinahagi ito ni Kiss Dane Quiros noong May 30, habang pauwi galing sa trabaho. Sa kanyang Instagram, makikita si tatay na may dalang malaking lalagyan ng empanada at may ngiting walang kapantay habang binibili ito ng mga pasahero.
“If you think your life is too hard, go out and observe the world,” ayon sa text sa video. Umabot na ito ng mahigit 1 million views sa TikTok, at marami ang napa-isip at naantig ang damdamin.
Nagkakahalaga ng P20 kada piraso ang tinda ni tatay. Ayon kay Kiss, simpleng paraan ito para makatulong at makapagpasaya. “Lami jud iyang tinda, na happy lang jud ko pagkakita nako ni tatay nga genuine kaayo iya smile,” aniya sa panayam.
Isang paalala ito sa ating lahat na minsan, kailangan lang nating tumingin sa paligid para ma-realize kung gaano tayo ka-blessed.
