Ang isang lalaki sa Calasiao, Pangasinan ay kasalukuyang hinahanap ng mga awtoridad matapos siyang makuhanan ng video habang kinakaladkad ang isang asong nakatali sa likod ng kanyang motorsiklo.
Ayon kay Edward Laguinlin, ang kumuha ng video, nangyari ito noong Linggo ng gabi, Hunyo 1, sa Barangay Banaoang. Kitang-kita raw sa kuha na umiiyak at nagpupumiglas ang kawawang aso habang tumatakbo ang motor.
Agad na inireport ang insidente sa mga pulis, at gumugulong na ang imbestigasyon para mahuli ang lalaki. Maraming netizen ang nagpakita ng galit at pagkabahala sa nangyari, at umaasang mabibigyan ng hustisya ang kawawang hayop.
Ang ganitong uri ng animal cruelty ay hindi dapat palagpasin. Paalala rin ito sa lahat na dapat tratuhin ng maayos at may respeto ang mga alagang hayop.
Patuloy ang panawagan ng publiko na makipagtulungan sa pulisya kung may impormasyon ukol sa kinaroroonan ng suspek.
