Ang Netflix ay nagbigay ng unang sulyap kay Tony Tony Chopper para sa live-action na One Piece Season 2. Sa Netflix Tudum 2025, ipinakita ang teaser kung saan makikita ang kanyang pulang sombrero at sungay, palatandaan ng kanyang pagpasok sa Drum Island arc. Dito siya unang makakasama nina Luffy at ng Straw Hat crew bilang kanilang doktor.
Si Chopper ay binosesan ni Mikaela Hoover at ginawa gamit ang facial capture at advanced VFX. Ayon sa Netflix, pinanatili ang orihinal na disenyo ni Eiichiro Oda—mula sa kanyang balahibo, mukha, at kakaibang kilos. Ang pagdadala ng kanyang cartoonish look sa totoong mundo ay naging malaking hamon, kaya't isa ito sa pinaka-aabangang bahagi ng Season 2.
Kasama ng paglabas ni Chopper, ilalahad din sa Season 2 ang mga kilalang arcs gaya ng Loguetown, Reverse Mountain, Whiskey Peak, Little Garden, at Drum Island. Maraming bagong kaibigan at kalaban ang ipakikilala, kaya’t lalo pang lalawak ang mundo ng One Piece.
Season 2 ng One Piece ay nakatakdang ipalabas sa 2026, at marami na ang sabik sa buong trailer at karagdagang casting.
