Naglaan ang Lungsod ng Makati ng anim na bagong bus para bigyan ng libreng sakay ang mga estudyante sa pampublikong paaralan.
Katulad ng point-to-point bus ng gobyerno, ang biyahe ng mga school bus ay may nakapirming ruta at oras. Sakop nito ang mga sentrong barangay at school zones sa lungsod.
Ang programang ito ay para lamang sa mga estudyante ng pampublikong paaralan sa Makati, ayon sa anunsyo ng city government noong Miyerkules.
Ipatutupad ang proyekto sa dalawang bahagi, kung saan uunahin ang mga paaralang may maraming estudyante. Kasama rin sa plano ang pakikipag-ugnayan sa mga guro, magulang, at opisyal ng barangay para sa kaligtasan at ayus na ruta.
Ayon kay Mayor Abby Binay, layunin ng programa na bawasan ang gastusin sa pamasahe ng mga pamilyang kapos sa kita. “Mas magiging ligtas at maaga ang dating ng mga estudyante sa paaralan, kaya mas makakapag-focus sila sa pag-aaral,” sabi niya sa isang pahayag.
