Ang aktres na si Kim Rodriguez ay nagsalita na tungkol sa mga komento sa TikTok na nag-uugnay sa kanya kay Bulacan Governor Daniel Fernando.
Nag-post si Kim ng dalawang video sa TikTok. Sa isa, nag-lip-sync siya sa kantang “Bleeding Love” ni Leona Lewis at nilagyan ng caption na "Idc" o "I don’t care," na tila sagot sa mga intriga.
Isang user ang nagbiro ng, "Dedma sa basher, basta may Daniel Fernando" at sinagot ito ni Kim ng "Pikit" na may laughing emoji. Sa isa pang video, ginamit niya ang linyang nagsasabing kahit siya ay nakatapos ng pag-aaral, naging tanga sa pag-ibig. Nilagyan niya ito ng caption na "Hahayayaya."
May isa ring nagkomento ng "Fresh naman. Iba talaga alaga ni Gov. Daniel" na may sparkles emoji, kaya sinagot ito ni Kim ng may halong sarcasm: "Taray ng username mo, @alwaysbekindtoothers."
Lalong lumakas ang espekulasyon sa kanilang ugnayan matapos lumabas ang post ng isang Facebook page. Ayon dito, umano’y ginamit daw ni Gov. Fernando ang confidential funds ng Bulacan para regaluhan si Kim ng Toyota FJ Cruiser at bigyan ng P1 milyon na allowance, batay raw sa pahayag ni Councilor Marbin Garcia.
