Ang pamamaril sa Barangay Hall ng Salitran 3, Dasmariñas City, Cavite ay nagresulta sa apat na patay at isa ang sugatan ngayong Lunes ng umaga, Mayo 26, bandang alas-8.
Habang ginaganap ang flag ceremony, biglang lumapit ang suspek na kinilalang si "Ariel", 50 taong gulang at dating barangay tanod.
Lumapit siya mula sa likod ng mga dumalo at agad naglabas ng baril saka pinaputukan ang mga opisyal ng barangay na nasa harapan ng hall.
Hindi pa tukoy ang uri ng ginamit na baril, at patuloy pa ang imbestigasyon ng mga otoridad sa insidente.
Ayon sa ilang saksi, mabilis tumakas ang suspek matapos ang pamamaril. Hinahanap pa siya ngayon ng pulisya.
