Ang Integrated Provincial Health Office (IPHO) ng South Cotabato ay nagtala ng 10 kaso ng mpox hanggang Mayo 22. Ang mga kasong ito ay mula sa Tboli (4), Surallah (2), Banga (1), Tantangan (1), Lake Sebu (1), at Koronadal City (1).
Ayon kay Eldon Hans Serame, health education officer ng IPHO, ang pagtaas ng kaso ay dahil sa aktibong surveillance at contact tracing ng probinsya. Sinabi rin niya na agad na ini-isolate ang mga may sintomas kahit wala pang kumpirmasyon, upang agad masuri at makapagsimula ng contact tracing.
Mpox ay isang viral disease na nagdudulot ng lagnat, sakit ng ulo, rashes, pamamaga ng kulani, at pananakit ng kalamnan. Ito ay naipapasa sa pamamagitan ng close contact, gaya ng skin-to-skin, body fluids, o respiratory droplets.
Sinabi ni Dr. Conrado Braña ng IPHO na ang ilang kaso ay walang travel history kaya patuloy ang imbestigasyon kung paano ito naipapasa. Nilinaw din niya na hindi ito katulad ng COVID-19 at mas kayang i-manage ang mpox.
Dahil sa maagang information dissemination, mas naging vigilant ang publiko. Kaya kapag may napansing sintomas, agad silang nagpapakonsulta sa doktor upang maagapan ang pagkalat ng virus.
