Ang isang 51-anyos na lalaki ay inaresto nitong Sabado dahil sa pagpatay sa isang umano’y nanloob sa kanilang bahay noong 2000. Ayon sa pulisya, sinaksak siya ng nanloob gamit ang paete kaya naman nagdepensa ang lalaki. Sa gitna ng gulo, nadampot niya ang palakol at iyon ang naging dahilan ng pagkamatay ng nanloob.
Ani ng lalaki, kilala niya ang biktima at ipinagtanggol lamang niya ang kanyang pamilya. “Manliligaw po ‘yun ng biyenan ko dati,” ani niya. Sinabi rin niyang nasaktan ang asawa niya nang subukang pigilan ang away kaya kinailangan niyang ipagtanggol sila pareho.
Muling dinala sa kustodiya ng pulis ang lalaki habang hinihintay ang desisyon sa kaso. Dati na siyang nakalaya noong 2021 ngunit dahil sa hindi pagdalo sa hearing, muling naaresto siya. Nawawala rin umano ang mga dokumento ng kanyang paglaya matapos masunog ang bahay nila noong 2024.
