Ang WIND AND SEA at Audio-Technica ay muling nagsanib-puwersa para sa ikalawang Sound Burger collaboration. Una itong nilabas noong 1980s at sumikat dahil sa kakaibang portable na disenyo para sa mga mahilig sa vinyl. Dinisenyo ito para magamit kahit saan, habang kasikatan noon ang mga cassette players.
Ngayong taon, inilunsad muli ang AT-SB727 WS Sound Burger na may kasamang bagong kulay at co-branding ng parehong brands. Kasama rin sa collab ang limited-edition T-shirt at Multi Record Bag. Ang T-shirt ay puti at swak para sa tag-init, habang ang bagong record bag ay may detachable compartment na sakto para sa Sound Burger.
Simula May 12, mabibili ang AT-SB727 WS Sound Burger sa halagang ¥39,600 JPY (mga $273 USD) sa online stores ng WIND AND SEA at Audio-Technica. Samantala, ang T-shirt at record bag ay available lang for pre-order mula May 12 hanggang 18.
Ang mga bagong disenyo ay galing sa naunang collab ng dalawang brand, pero mas pina-fresh ngayon. Perfect ito para sa mga music lovers at collectors na gusto ng style at functionality sa kanilang gadgets at accessories.
