Ang THACO Sleeper Bus ay opisyal nang bumibiyahe sa rutang Manila–Bicol, matapos i-turn over ng BJ Mercantile, Inc. (BJM) ang kauna-unahang dalawang unit sa Cagsawa Travel and Tours, Inc. Isa itong malaking hakbang sa mas komportable, moderno, at de-kalidad na pampasaherong biyahe sa Pilipinas.
Dinisenyo, ginawa, at in-assemble ng Thaco Auto sa pinakamalaki at pinaka-modernong bus plant sa Southeast Asia, ang Thaco Mobihome ay bagong henerasyon ng luxury sleeper buses na nakatuon sa mas mataas na antas ng passenger experience.
May 20 sleeper cabins ang bus na gawa sa premium materials, na may LCD entertainment screen, bedroom light, Type A at C charging ports, at maayos na toilet. Ang UV ceiling lights at ambient lighting ay nagbibigay ng mas marangya at relaksing na atmosphere sa buong biyahe.
Ayon kay Leilani Lim Tan, Vice President ng BJM, ipinagmamalaki ng kumpanya ang pakikipag-partner sa Cagsawa Travel and Tours upang ipakilala ang sleeper bus technology na inuuna ang comfort ng pasahero habang sinusuportahan ang operational needs ng mga operator.
Para kay William Rogando, Director at Operations Manager ng Cagsawa Travel and Tours, layunin ng kumpanya na maging modelo at lider sa industriya. Inaasahan niyang ang paglabas ng mga bus na ito sa kalsada ay hihikayat sa iba pang operator na itaas ang antas ng serbisyo sa pampublikong transportasyon.
