Ang HUAWEI ay nagkumpirma na ilalabas nila ang Nova 14 Series sa Pilipinas sa Nobyembre 27. Binubuksan nito ang bagong yugto ng selfie technology gamit ang pinagsamang AI features at makabagong front camera para sa mas malinaw at mas maganda pang selfies.
Tinawag na “King of AI Selfies,” ang Nova 14 Series ay ginawa para sa mga taong palabas, malikhain, at mahilig mag-capture ng kanilang best moments. Pinagsasama nito ang pro-grade imaging at next-gen AI tools para sa mas malinaw, mas detalyado, at mas buhay na images.
Nangunguna sa lineup ang Nova 14 Pro na may 50MP Ultra Portrait Autofocus Camera at 8MP Close-Up Portrait Camera. Kayang mag-shift mula 0.8x hanggang 5x, kaya perfect para sa close-ups at group shots nang hindi nawawala ang linaw ng bawat detalye.
Mayroon din itong Ultra Speed Snapshot sa front at rear cameras kaya malinaw pa rin ang kuha kahit mabilis ang galaw. Para sa editing, may AI tools tulad ng AI Best Expression, AI Beauty Effect, at AI Remove para mas maganda, natural, at malinis ang selfies nang walang abala.
Pinapalakas pa ito ng Ultra Chroma Camera na may 1,500,000 spectral channels, na nagbibigay ng mas tumpak na kulay—umaabot hanggang 120% improvement. Makikita rin sa Nova 14 Series ang 6.78-inch Quad-Curved Display at 6.7-inch OLED Flat-Edge Screen, kasama ang 5500mAh battery at 100W HUAWEI SuperCharge Turbo para sa mabilis na charging.
