Ang pahayag ni Vice President Sara Duterte ay muling nagpainit sa pulitika matapos niyang sabihin na si President Marcos ay humaharap sa krisis sa tiwala. Ayon sa kanya, ang mga imbestigasyon sa corruption sa mga flood control project ay walang malinaw na direksyon at kulang sa aksyon. Binanggit din niya ang isyu ng malaking budget loss na umano’y nangyari sa panahon ng Pangulo.
Sinagot naman ito ng Malacañang, na nagsabing si Duterte mismo ang dapat magpaliwanag sa mga corruption issue habang siya ay nasa DepEd. Ayon kay Undersecretary Claire Castro, hindi dapat magpanggap na “malinis” kung may mga isyung hindi pa naaayos.
Idinagdag ni Duterte na nauunawaan niya ang galit at disappointment ng publiko dahil matapos ang ilang buwang imbestigasyon, wala pang nasasampahan ng kaso. Sinabi rin niya na matagal na siyang nakikinig sa mga hinaing ng OFWs tungkol sa transparency at accountability.
Nagpatuloy siya sa pagsasabing marami ang nadidismaya sa pamahalaan dahil sa kawalan ng kapanatagan at labis na kasakiman. Para sa kanya, ang karapatang magsalita at magpahayag ay mahalagang bahagi ng demokrasya.
Sa huli, iginiit ni Castro na kulang sa credibility si Duterte para humingi ng accountability dahil may mga alegasyong confidential funds, ghost students, at ghost food packs na nangyari sa ilalim ng kanyang pamumuno. Ayon sa kanya, dapat itong unang ipaliwanag kung talagang naniniwala siya sa transparency at panana
