Ang 23-anyos na si John Kyler Labora Andojon ay naaresto matapos umamin na siya ang pumatay sa kanyang tatay (50), nanay (48), at kapatid (14) gamit ang sledgehammer sa kanilang bahay sa Barangay Managok, Malaybalay City, Bukidnon noong Mayo 21, 2025.
Ayon kay Col. Jovit Culaway, provincial police director ng Bukidnon, na-corner si Andojon sa Barangay 1, Malaybalay City noong Setyembre 12. Ang operasyon ay isinagawa ng mga pulis kasama ang ilang lider ng komunidad matapos makatanggap ng impormasyon mula sa mga residente.
Ibinahagi ng mga kamag-anak at kapitbahay na maaaring nakaranas ng matinding depresyon ang suspek matapos hindi makapagtapos ng kursong Criminology dahil sa problema sa kanyang pag-aaral.
Si Andojon ay kinasuhan ng 2 counts ng parricide at 1 count ng murder dahil sa karumal-dumal na krimen laban sa kanyang sariling pamilya. Ang insidente ay nagdulot ng matinding galit sa komunidad at mabilis na kumalat sa Facebook.
