Ang LEGO at Bugatti ay nagsanib-puwersa para sa isang espesyal na release: ang LEGO Speed Champions Bugatti Centodieci. May kabuuang 291 piraso, ang set na ito ay nagbibigay-buhay sa isa sa pinaka-bihirang hypercar sa mundo.
Inspired sa ultra-exclusive Bugatti Centodieci na may 1,600 hp W16 engine, ginaya ng LEGO set ang mga detalye ng totoong kotse. Makikita rito ang limang bilog na air intakes, overhanging rear wing, at ang signature horseshoe grille na kilala sa Bugatti design. Mayroon din itong puting exterior na may black accents at asul na interior, katulad ng orihinal na disenyo ng cabin.
Kasama rin sa set ang isang Bugatti-branded minifigure driver para sa mas kumpletong karanasan. Ang collectible na ito ay available na ngayon online at sa LEGO stores simula Agosto 1, na magiging isang premium na karagdagan sa Speed Champions lineup.
Presyo: Tinatayang ₱1,700 para sa 291-piece set na ito, isang sulit na piraso para sa mga mahilig sa LEGO at supercars.
