Ipinahayag ang pagbubukas ng Changan Bacoor at Changan Angeles, dalawang bagong dealership na nagpapalakas sa presensya ng brand sa bansa. Ang hakbang na ito ay bahagi ng mas pinalawak na estratehiya upang maihatid ang makabagong mobility solutions at mas episyenteng serbisyo sa mas maraming Pilipino.
Ang dalawang bagong lokasyon ay bunga ng matibay na ugnayan ng mga lider sa industriya ng automotive, na may iisang layunin: ang maghatid ng dekalidad na sasakyan at world-class na customer experience. Sa mahigit dalawang dekada ng karanasan sa dealership operations, ang partnership na ito ay patunay ng pangmatagalang tiwala at paglago sa sektor.
Matatagpuan ang Changan Bacoor sa Daang Hari Road, Bacoor City, Cavite, isang full-service dealership na idinisenyo upang tugunan ang pangangailangan ng South Luzon market. Mayroon itong modernong showroom, komportableng customer lounge, at kumpletong after-sales facilities na handa para sa preventive maintenance at general repairs.
Samantala, ang Changan Angeles ay strategically located sa Fil-Am Friendship Highway, Angeles City, Pampanga, na nagbibigay ng mas madaling access sa mga customer sa Northeastern Luzon. Ang dealership ay may maayos na display area, parts counters, at state-of-the-art service equipment na sumusuporta sa mabilis at maaasahang serbisyo.
Nakaugat sa 160-year legacy ng Changan, ang parehong dealership ay pinamumunuan ng mga well-trained Sales Consultants, Service Advisors, at Technicians. Layunin nilang maghatid ng propesyonal, episyente, at stylish na karanasan—isang malinaw na pahayag ng patuloy na commitment ng Changan sa kahusayan at customer satisfaction.
