Simula Enero 16, 2026, papayagan ang mga Chinese nationals na makapasok sa Pilipinas visa-free hanggang 14 na araw, ayon sa Department of Foreign Affairs (DFA). Layunin ng hakbang na ito na palakasin ang turismo, kalakalan, at investment, pati na rin ang people-to-people exchanges sa pagitan ng Pilipinas at China.
Ayon sa DFA, ang visa-free entry ay bukas sa mga Chinese travelers na pupunta sa Pilipinas para sa tourism o business purposes. Mahigpit na nakasaad na ang 14-day stay ay hindi pwedeng i-extend at hindi rin maaaring i-convert sa ibang visa category sa Pilipinas.
Ang visa-free entry ay limitado lamang sa arrivals sa Ninoy Aquino International Airport (NAIA) sa Metro Manila at sa Mactan-Cebu International Airport (MCIA) sa Cebu. Kailangan ng mga Chinese travelers na magpakita ng passport na valid ng hindi bababa sa 6 na buwan mula sa petsa ng pagdating, hotel booking o confirmed accommodation, at return o onward ticket papunta sa susunod na destinasyon.
Patuloy pa rin ang mga security checks para matiyak ang kaligtasan at public order sa bansa. Nakasaad din ng DFA na ang visa-free arrangement ay magiging epektibo sa loob ng isang taon at re-review bago mag-expire.
Sa kabila ng pagbaba ng bilang ng Chinese tourists noong 2025, nananatili ang China bilang isa sa top sources ng visitors sa Pilipinas. Karamihan sa mga turista noong nakaraang taon ay galing sa South Korea, US, at Japan, habang ang mga Pilipino na pupunta sa China ay karaniwang kailangang mag-apply ng visa.
