Ang Duterte siblings – Sara, Paolo, Kitty, at Baste – ay humiling sa Supreme Court na idirekta ang gobyerno na ibalik si dating Pangulong Rodrigo Duterte sa Pilipinas. Ayon sa kanila, ang mga isyu tungkol sa kanyang pag-aresto noong nakaraang taon ay hindi pa tapos.
Sa memorandum ni Rep. Paolo Duterte, binigyang-diin na ang pagkakakulong at pag-aresto kay Duterte sa The Hague ay labag sa batas at hindi konstitusyonal. Humiling siya ng writ of habeas corpus upang maibalik ang kalayaan ng kanyang ama at pawalang-bisa ang aksyon ng gobyerno na nakipagtulungan sa ICC at Interpol.
Ayon kay Baste Duterte, ang lokal na hukuman ay hindi naglabas ng warrant of arrest, kaya ang pagkaka-aresto ay walang due process. Tinukoy niya na ang pangyayari ay nagdulot ng patuloy na pinsala sa konstitusyon.
Para kay Kitty Duterte, dapat ideklara ng SC na ang pagkaka-aresto ng kanilang ama ay illegal at unconstitutional, at utusan ang gobyerno na gawin ang lahat ng hakbang upang maibalik siya sa bansa.
Sa kabila ng pag-withdraw ng Pilipinas sa Rome Statute noong 2019, iginiit ng pamilya na may karapatan ang local courts na pamahalaan ang kaso, at hindi dapat ipagkatiwala sa foreign tribunal ang hurisdiksyon.
