Ang IO Interactive ay inantala ang James Bond game na 007 First Light mula Marso patungong Mayo 27, 2026 upang bigyang-daan ang mas maayos na polish at refinement. Ayon sa studio, ang laro ay fully playable na at ang delay ay para masigurong pinakamahusay na bersyon ang ilalabas sa launch.
Tampok sa laro si Patrick Gibson bilang 26-anyos na James Bond, kasama ang star-studded cast tulad nina Lenny Kravitz bilang kontrabidang Pirate King Bawma, Lennie James bilang mentor na John Greenway, at Priyanga Burford bilang M. Ipinapakita ng kwento ang origin story ni Bond habang dumaraan sa MI6 training patungo sa pagiging 00 agent.
Nakatuon ang gameplay sa stealth-heavy action, may opsyon sa silent o loud na approach, hand-to-hand combat, gunplay, gadgets, at cinematic car chases sa iba’t ibang lokasyon sa mundo. Dahil sa bagong petsa, napupuno rin nito ang bakanteng release window na iniwan ng GTA VI, na nagbibigay sa spy epic ng mas malinaw na daan sa PS5, Xbox Series X/S, PC, at Nintendo Switch 2.
