Ang isang lalaki ay inaresto ng mga railway security officers matapos siyang tumalon sa riles ng MRT-3 Ortigas Station noong Biyernes bandang 1:05 p.m.
Ayon sa MRT-3 Safety and Security Unit (SSU), bumili ang lalaki ng northbound ticket ngunit pagdating sa platform ay bigla siyang tumakbo at tumalon sa riles.
Pagkatapos nito, tumakbo siya sa northbound track patungo sa Shaw Boulevard Station, dahilan upang maantala ang operasyon ng tren.
Nang makarating sa malapit na mall, umakyat ang lalaki sa bagong tayong footbridge kung saan siya inaresto dahil sa unauthorized entry.
Dinala siya sa Wack-Wack Police Station 3 at kinasuhan ng alarm and scandal at resisting arrest, habang pinaalalahanan ng MRT-3 Management ang publiko na mahigpit na ipinagbabawal ang pagpasok sa mga restricted areas dahil sa panganib sa buhay at operasyon ng tren.
