Ang Amiel Sol, kilalang folk-pop singer, ay naglabas ng kanyang unang EP na pinamagatang ‘Pagsibol’. Kasama sa anim na kanta ng koleksyon ang kanyang mga dating singles na “Nahanap Kita”, “Tahimik Ng Buhay Kapiling Ka”, at ang sikat na “Sa Bawat Sandali” na umabot sa No. 3 sa Billboard Philippines Hot 100 at No. 2 sa Top Philippine Songs chart.
Bukod sa mga lumabas na singles, inilabas din niya ngayong taon ang kanyang collaboration kay Shanne Dandan sa kantang “Balisong” para sa soundtrack ng 100 Awit Para Kay Stella, at ang “Pagdating Ng Panahon” na bahagi ng compilation EP ng Viva Records, SWABE. Sa kanyang social media, sinabi ni Sol: “Here’s to growing while going through life!”
Kasama ang iba pang Viva artists tulad nina Rob Deniel, Arthur Nery, at Earl Agustin, magtatanghal si Amiel Sol sa Araneta Coliseum sa kanilang RAAA! Concert sa December 5, 2025. Limitadong tiket ay mabibili mula Php 1,500 hanggang Php 6,500. Pakinggan na ang kanyang debut EP, Pagsibol, habang hinihintay ang concert.
