Ang malalaking website tulad ng X, ChatGPT, at ilang serbisyo ng Google ay nagkaaberya matapos tamaan ng Cloudflare ng isang “latent bug.” Ayon sa Downdetector, marami ang nakaranas ng pagka-delay at hindi pag-load ng ilang sikat na platform.
Sinabi ng Cloudflare na nagkaroon ng problema matapos ang isang normal na configuration change, na nag-trigger sa bug na nakaapekto sa malaking bahagi ng internet traffic. Tumaob pa ng 1.5% ang share price ng kumpanya matapos ang insidente.
Ayon sa mga eksperto, ipinapakita ng pangyayaring ito kung gaano kalaki ang pag-asa ng internet sa iilang major providers tulad ng Cloudflare, AWS, at Microsoft. Kapag may aberya sa kanila, malawak ang epekto sa mga online services, negosyo, at apps.
Binanggit ng mga analyst na mas madalas na ang mga internet outages ngayon at mas matagal bago maayos. Dahil ito sa tumataas na AI load, demand sa streaming, at tumatandang infrastructure.
Nagpahayag naman ang Cloudflare na ibabahagi nila ang kumpletong detalye at mga hakbang upang hindi na maulit ang ganitong problema.
