Ang Cup of Joe, award-winning na banda mula Baguio, magpapalabas ng music video ng kanilang emotional na kanta na “Bagyo.” Tampok sa video sina Dylan Menor at Jayda Avanzado. Naka-schedule ang premiere ngayong gabi, Oktubre 23, 8 PM. Ang kanta ay unang inilabas bilang opening track ng kanilang debut album na Silakbo noong Enero.
Sa kanilang post, binahagi ng banda ang linyang, “Lahat sila’y nagpapatuloy, ako’y ‘di makaalis,” na nagpapakita ng damdamin ng kanta.
Nanalo rin ang Cup of Joe ng dalawang grand award sa Filipino Music Awards nitong Oktubre 21. Kinuha nila ang Song of the Year para sa chart-topping track nilang “Multo” na patuloy na nangunguna sa Billboard Philippines Hot 100. Ang kanilang debut album naman ay nakuha ang Album of the Year award.
Kamakailan lang, natapos din ng banda ang kanilang sold-out, two-day ‘Stardust’ concert sa Araneta Coliseum. Inabangan ng fans ang kanilang performance at naging matagumpay ang palabas.
Makinig sa “Bagyo” habang hinihintay ang music video ngayong gabi.
