Ang mahigit 600 katao mula sa Myanmar ay tumakas sa isang scam center at tumawid papuntang Thailand matapos ang raid ng militar, ayon sa opisyal ng probinsya sa border nitong Huwebes.
Ang mga scam center na ito ay kilalang panggagantso online gamit ang romance at business scams. Sa gitna ng kaguluhan sa Myanmar mula pa noong 2021 coup, dumami ang mga compound kung saan pinagtatrabahuhan ng mga taong nadadala o napipilitang sumali sa ilegal na operasyon.
Ayon kay Sawanit Suriyakul Na Ayutthaya, deputy governor ng Tak province, 677 katao ang tumakas mula sa KK Park scam center at tumawid sa Moei River. Mayroon pang mahigit 100 iba pa na naghihintay sa border area upang makapasok sa Thailand.
Ipinahayag ng mga awtoridad na ang mga tumawid ay sasailalim sa screening upang malaman kung sila ay biktima ng human trafficking o kung may nilabag silang batas sa border crossing. Kabilang sa mga tumakas ay mga dayuhan mula sa iba’t ibang bansa, kabilang ang Indonesia at Pilipinas.
Ayon sa ulat ng United Nations, umabot sa ₱2.1 trilyon (katumbas ng $37 bilyon) ang nalugi sa mga online scam sa rehiyon noong 2023. Patuloy namang hinikayat ang mga bansa sa Southeast Asia na magtulungan upang mapigil ang lumalaking cyberscam industry.
