Ang sikat na rapper at GRAMMY winner na si Doja Cat ay opisyal nang nasa Fortnite. Matagal na niyang hinihintay ang pagkakataon, at ngayon sa Fortnitemares 2025, siya na mismo ang Mother of Thorns sa Nitemare Island. Hindi lang siya simpleng celebrity guest, dahil matagal na siyang tunay na manlalaro ng Fortnite.
Matagal nang ipinapakita ni Doja Cat ang hilig niya sa laro. Binanggit na niya ito sa mga kanta, naglalaro siya nang live sa Instagram, at ilang beses na rin siyang nasubok sa kaalaman sa Fortnite lore — na lahat ay nakuha niyang tama. Sabi niya, “Matagal ko nang hinihintay ang sariling Fortnite skin… espesyal ito para sa akin.”
Inspirado ang Mother of Thorns sa iconic na all-red look niya sa “Paint The Town Red” music video. Bukod dito, puwedeng i-style ang skin gamit ang “Agora Hills” outfit at may tatlong hairstyle options. Mayroon ding special emote kung saan nagle-levitate ang character — personal favorite daw ito ni Doja Cat.
Mahalaga para kay Doja Cat na maging interactive ang experience ng fans. Hindi lang siya kalaban sa laro, dahil kapag natalo siya, puwede siyang gawing companion na tutulong sa laban. Para sa kanya, ang Fortnite ay “ultimate extension of a brand” kung saan ang fans ay puwedeng makipag-ugnayan sa kanya mismo bilang character.
Ngayon, makikita ang Mother of Thorns hanggang Nobyembre 1 sa Nitemare Island. Ayon kay Doja Cat: “Nandiyan ako, naghihintay at nagbabantay. Pero mag-ingat, dahil ang Mother of Thorns ay tuso at ang presensya ko ay ramdam sa buong isla.”
