Ang communications professional na si Joseph Lawrence “JL” Daez ay opisyal nang sumali sa Ford Philippines bilang bagong Communications Manager simula Setyembre 22, 2025.
May higit 15 taon na karanasan si JL, kabilang ang mahigit isang dekada sa branding, communications strategy, at campaign execution. Kilala siya sa kakayahan niyang magpatakbo ng multi-million peso campaigns at bumuo ng mga impactful brands sa advertising, PR, at marketing.
Bago siya pumasok sa Ford, nagsilbi siyang Account Director kung saan pinangunahan niya ang mga strategic communications initiatives para sa malalaking kumpanya sa automotive, healthcare, consumer tech, at energy sectors. Nakilala siya sa matagumpay na paghawak ng brand reputation, product launches, at stakeholder engagement.
Naging bahagi rin siya dati bilang Marketing Communications Manager ng isang automotive brand kung saan siya mismo ang gumawa ng 360-degree communications strategies. Hawak niya ang social media, press relations, influencer marketing, at partnerships.
Si JL ay direktang mag-uulat kay EJ Francisco, Communications Director ng Ford Philippines at Asia Pacific Distributor Markets (APDM). Makikipagtrabaho rin siya sa integrated marketing communications team ng Ford para sa mas malakas na suporta sa mga proyekto.
