Ang RANE ONE MKII ay bagong labas na DJ controller na dinisenyo para sa mga pro at aspiring DJs. Mas advanced ito kaysa sa unang RANE ONE at puno ng bagong features gaya ng 7.2-inch motorized platters na may adjustable torque, kaya parang tunay na vinyl ang pakiramdam. May kasama rin itong plunger-style start/stop buttons na nagbibigay ng dagdag na kontrol at authenticity.
May 16 performance pads ang RANE ONE MKII na may 10 modes at isang customizable mode. Pwede itong gamitin sa pag-control ng effects, pag-manipulate ng stems, at may kasamang RGB lighting para mas buhay ang performance.
Isa sa pinaka-highlight ay ang advanced stem tools na konektado sa Serato DJ Pro software. Dito, pwede mong i-isolate ang vocals, instrumentals, at iba pang elements ng kanta gamit ang dedicated buttons. Bukod dito, meron itong 29 hardware effects at sariling display para sa mabilis na pag-activate.
Sa kalidad ng tunog, gamit ang 32-bit digital signal processor at 24-bit, 48 kHz audio converter, kaya malinaw at malakas kahit sa malalaking venue. Mayroon din itong two-channel mixer at matibay na MagFour Crossfader para sa smooth na scratching at mixing. Ang RANE ONE MKII ay available na ngayon sa halagang ₱87,000 PHP (approx. $1,499 USD).
