Ang Insta360 GO Ultra ay isang napakaliit pero malakas na camera na kasing liit lang ng smartwatch. May bigat itong 53g at may 1/1.28-inch sensor na mas malaki ng 221% kaysa sa naunang modelo. Kayang mag-record ng 4K malinaw na video sa 60fps gamit ang 14.27mm lens na may F2.85 aperture.
May bagong 5nm AI chip na tumutulong para sa mas malinaw na kuha kahit sa low light. Naka-built in din ang PureVideo technology para mabawasan ang noise at mas maliwanag ang mga shots sa gabi o madilim na lugar.
Para sa gamit, may magnetic base ito para sa iba’t ibang mounting options, voice at gesture control, at kayang mag-record ng hanggang 200 minutes sa 1080p o 170 minutes sa 4K. Meron din itong 2.5-inch articulating touchscreen na malinaw kahit sa araw at may 156° wide field of view. Waterproof din ito hanggang 10 meters (33 feet).
Available din ang mga accessories tulad ng Action Pod, Easy Clip, Pendant, Sticky Tabs, AquaLens, at Ring Remote para mas flexible gamitin.
Presyo: Nasa ₱25,500 (Standard Bundle) at mabibili na ngayon.
