Maraming Pinoy ang nalungkot matapos ianunsyo ng McDonald’s Philippines na mawawala muli ang kanilang sikat na Twister Fries, na isang limited-time offering.
Noong Lunes, July 28, nag-post ang McDo sa Facebook ng larawan ng iconic na fries na may mensaheng: “This is not goodbye. This is ‘til we meet again.” Nilagyan pa ito ng caption: “Anong multo mo? Ako ‘yung hindi ko sinulit ‘yung Twister Fries.” Ang salitang “multo” ay sumikat dahil sa viral song ng Cup of Joe, na tumutukoy sa mga bagay na hindi pa nakakalimutan.
Maraming netizens ang nag-react, umabot sa 16,000 reactions, 2,900 shares, at 1,500 comments. Karamihan ay nalungkot at humiling na gawing permanent menu ang Twister Fries. Sabi ng isa: “Why not make it part of the menu forever?” May iba namang nadismaya dahil hindi nila ito natikman bago maubos.
Ayon sa mga report, unang bumalik ang Twister Fries noong September 2023, nawala noong 2024, at muling lumabas nitong June 30, 2025. Ayon kay Oliver Rabatan, Assistant VP for Marketing ng McDo, nagiging exciting para sa customers ang pagbabalik ng mga limited-time items tulad ng Twister Fries at McSpicy.
Dagdag pa niya, kahit kilala ang McDo sa kanilang World Famous Fries, hinahanap-hanap pa rin ng customers ang “twist” ng kanilang paborito—kaya patok ang Twister Fries na may kakaibang hugis at konting anghang.