Ang Pop Superstar na si Sarah Geronimo at P-pop Kings na SB19 ay magsasama sa isang espesyal na kanta na pinamagatang “Umaaligid.” Ibinahagi ni Sarah ang exciting na balita sa kanyang official social media, kung saan sinabi niya na ang kanta ay ilalabas sa July 30, 2025. May teaser din siyang nilabas na may linya mula sa kanta: “Inuukit sa pandinig, isinisingit sa isip. Dumarami, tumitindi. Pero kailan naging totoo?”
Sa nakaraang linggo, sunod-sunod ang cryptic posts ni Sarah na nagpakilig sa kanyang fans. Marami ang naghinala na may bagong music siyang ilalabas. Pero ang announcement ng collab nila ng SB19 ang siyang malaking surpresa para sa lahat. Ito ang unang beses na magsasama ang dalawang bigating pangalan sa OPM sa isang kanta.
Ang “Umaaligid” ay ang pinaka-latest na project ni Sarah matapos ang kanyang 2024 single na “Life’s A Beautiful Game.” Matatandaan ding naglabas siya ng ilang collabs noong 2023 tulad ng “Treading Water” kasama si Bamboo, “Hangganan” with Jin Chan, at “My Mind” with Billy Crawford.
Kamakailan, naging guest of honor din si Sarah sa Billboard Philippines’ Women In Music event kung saan binigyan niya ng award ang girl group na BINI bilang ‘Women of the Year.’ Noong nakaraang taon, siya mismo ang tumanggap ng parehong parangal.
Ngayong malapit nang ilabas ang “Umaaligid,” excited na ang mga fans ng Sarah Geronimo at SB19 sa pagsasanib-puwersa ng kanilang idolo sa isang makabagbag-damdaming OPM track.
