Ang singer na si Jason Dhakal ay may bagong awitin na pinamagatang “Magic,” na inilabas ngayong Hulyo 11, 2025.
May kalmadong R&B vibe ang kanta, may halong tunog ng bossa nova. Sa isang Instagram post, inamin ni Jason na isinulat niya ang kanta para sa “lalaking walang kwenta,” o 'di karapat-dapat sa oras niya.
Ito ang unang release ni Jason ngayong taon matapos ang kanyang cover ng kantang “Kailan” mula sa MYMP.
Ibinahagi niya sa isang interview na lumaki siya sa Oman, Middle East, at madalas niyang pinapakinggan ang kantang ito noon. Kasabay niya ring ginawa ang cover ng “Awitin Mo (Isasayaw Ko)” sa iisang studio session.
Ayon pa kay Jason, gusto na niyang gumawa ng musika na mas simple at easy listening.
Mas pinipili raw niya ngayon ang tunog na tahimik, hindi masyadong maingay, at may serenity. Ito raw ang direksyon na gusto niyang tahakin sa kanyang musika sa kasalukuyan.
Para kay Jason, ang “Magic” ay hindi tungkol sa saya kundi sa pagod at sawa sa maling tao.
Ibinuhos niya ang kanyang emosyon sa awitin, at makikita sa kanta ang hugot mula sa isang karanasang hindi maganda.
Ang kantang ito ay patunay na kahit sa sakit, may art na pwedeng malikha.
Hindi lang ito simpleng kanta, kundi isang pahayag ng paglimos ng respeto sa sarili at pagpili ng katahimikan kaysa gulo.
