Ang pamilya ng biktimang si Tirso "Jun" Lontok ay labis ang dismaya matapos mapawalang-sala si Police Colonel Hansel Marantan at labing-isang pulis na kinasuhan sa insidente sa Atimonan noong 2013.
Sa isang Facebook post, ibinahagi ni Maria Bella Lontok Evangelista, kapatid ni Jun, na muli silang nalungkot sa desisyon ng korte. Para sa kanila, ito ay malinaw na patunay ng kakulangan ng hustisya sa bansa.
Matapos ang mahabang paghihintay, sinabi ng pamilya na hindi na sila magsasayang ng oras sa panawagan sa mga ahensya ng gobyerno. Sa halip, sa Diyos na lamang sila umaasa para sa tunay na katarungan.
Si Lontok ay kilalang environmentalist mula Dolores, Quezon. Aktibo siyang nangangalaga noon sa Bundok Banahaw bago nangyari ang insidente.
