Ang utak sa likod ng pagkawala ng mga sabungero ay may sapat na pera para impluwensyahan ang mga korte, ayon kay Justice Secretary Jesus Crispin Remulla. Sa isang ambush interview, sinabi ni Remulla na plano niyang makipag-usap kay Chief Justice Alexander Gesmundo tungkol sa posibleng impluwensya ng naturang indibidwal sa hudikatura.
Ayon kay Remulla, “Mabigat ang kalaban dito dahil may pera siyang kayang umabot hanggang hudikatura.” Narinig pa raw niya mismo ang sinabi ng umano’y mastermind: “Kaya natin iyan,” at sinabing kaya pa raw impluwensyahan ang Korte Suprema.
Hindi binanggit ni Remulla kung sino ang tinutukoy na utak sa kaso, at wala rin siyang ibinigay na detalye kung paano ito nakapasok sa sistema ng korte.
Samantala, ayon sa isang dating guwardya ng Manila Arena na si “Totoy,” ang mga nawawalang sabungero ay sinakal gamit ang alambre at itinapon sa Taal Lake. Ayon kay Totoy, nandaya umano ang mga biktima sa laban, pero hindi niya pinangalanan kung sino ang nag-utos ng krimen.
Nakahanda si Remulla na kausapin si Gesmundo para matiyak na hindi naaabuso ang sistema ng hustisya sa bansa.
iq80u1