Ang kampyon sa Paris Olympics na si Carlos Yulo ay balik-aksi na sa kumpetisyon matapos ang 10 buwang pahinga. Lalaban siya sa 12th Senior Men’s Artistic Gymnastics Asian Championships na gaganapin sa Jecheon, South Korea mula Hunyo 5 hanggang 8.
Kasama ni Yulo ang iba pang Pilipinong gymnast na sina Jhon Romeo Santillan, Justine Ace De Leon, Juancho Miguel Besana, at John Ivan Cruz.
Noong huling Asian Championships sa Uzbekistan, nanalo si Yulo ng apat na gintong medalya sa all-around, floor exercise, vault, at parallel bars.
Sa Paris Olympics noong nakaraang taon, naiuwi rin niya ang dalawang gintong medalya, kaya’t mataas ang pag-asa ng bansa sa kanyang pagbabalik.
Handa na muli si Yulo na ipaglaban ang bandila ng Pilipinas at patunayan ang kanyang galing sa larangan ng gymnastics.
