Ang tanging Triumph Bonneville Bobber Icon-edition sa buong Pilipinas ay ipinakita sa Makina Moto Expo 2025 sa Maynila. Isa itong premium na motorsiklo na talaga namang agaw-pansin sa ganda at lakas.
May 1,200cc engine ang Bobber Icon-edition na may six-speed transmission at wet torque assist clutch. Kayang umabot sa 76 horsepower at may 106 Nm na torque, kaya asahan mo ang malakas na performance sa bawat apak.
Para sa safety at control, may twin disc brakes sa harap gamit ang Brembo two-piston calipers, at single disc brake sa likod na gawa ng Nissin.
Ilan pa sa mga tampok nito ay ang 16-inch wheels, 47mm Showa cartridge front forks, at rear monoshock RSU. Meron din itong analog speedometer na may LCD display para sa modernong dating.
Presyong premium din ito sa halagang P1.065 million, pero kung hanap mo ay performance, porma, at pagiging unique, swak ito sa'yo.
