Ang mga cellphone at laptop na hinihinalang gamit sa isang scam hub ay pinaghahagis mula sa bintana ng isang condominium sa Parañaque City. Nagkagulo sa lugar matapos mabuking ang operasyon.
Ayon sa ulat ng National Bureau of Investigation (NBI), sinubukan ng mga taong nasa loob ng unit na sirain ang mga ebidensya sa pamamagitan ng pagtatapon ng mga gamit habang isinasagawa ang operasyon.
Ilang residente ang nagulat sa ingay at pagkalaglag ng mga gamit mula sa taas ng gusali. Agad namang kumilos ang mga awtoridad upang tiyaking walang nasaktan at maisalba ang ilang kagamitan.
Pinaniniwalaang ginagamit ang mga gadget sa online scams at posibleng may impormasyon pa rin sa mga ito na makatutulong sa imbestigasyon.
Kasalukuyang inaalam ng NBI ang iba pang kasabwat at kung gaano kalawak ang naabot ng operasyon ng scam hub.
