Ang isang pusang taga-Cebu ang nag-viral dahil sa kakaibang pagtulong nito sa bahay. Si Kite, ang pusang half-Persian at half-Puspin, ay nakita ng maraming netizen na tumutulong sa pag-ayos ng kama sa bahay nila sa Minglanilla.
Habang pinuputol ng kapatid ni Aiko na si Adrian ang isang pako, hawak naman ni Kite ang kahoy na parang seryosong tumutulong para hindi ito matumba. Maririnig sa video si Adrian na sinasabi, “Kite, ayaw buhi-i ha. Ayaw buhi-i kay ma tumba.”
Mula nang mailagay sa social media noong Hunyo 1, umabot na sa mahigit 340,000 views ang video ni Kite hanggang Hunyo 2. Iba talaga si Kite — hindi lang tamad na nagpapahinga, kundi isang “tulong” na paboritong kasama sa bahay.
Kaya kung sa bahay mo may pusang ganito, aba, baka may helper ka pala na hindi mo inaasahan!
