Ang BMW Motorrad ay nagpakilala ng bago nitong motor — ang Concept RR superbike — sa 2025 Concorso d’Eleganza Villa d’Este. Hango ito sa M 1000 RR na ginamit ni Toprak Razgatlıoğlu, at may higit sa 230 hp mula sa water-cooled inline four-cylinder engine. Dala nito ang World Superbike (WSBK) racing technology ng BMW papunta sa kalsada.
Gawa sa carbon at aluminum na materyales, ang Concept RR ay magaan at dinisenyo para sa mabilis at maayos na pagtakbo. Mula sa maliit ngunit epektibong fairing, hanggang sa buntot nitong may glowing RR emblem, ang motor ay puro bilis. May winglets, traction control, at engine braking system din ito na galing sa M 1000 RR.
Ipinakilala rin ang Concept RR LTD jacket, isang espesyal na leather jacket na ginawa kasama ang MEINDL gamit ang calf Nappa leather. 50 piraso lamang ang gagawin.
Ayon kay Markus Flasch, Head ng BMW Motorrad, isa itong "tunay na obra" na nagpapakita ng seryosong hangarin ng BMW na pagandahin pa ang performance, disenyo, at teknolohiya. Ang Concept RR ay simbolo ng bagong panahon ng BMW superbikes — handa sa karera pero legal gamitin sa kalsada.
