Ang isang ginang na si Anna, 49 anyos, ay binaril habang nagluluto ng tanghalian sa kanilang bahay sa Sitio Gitna, Barangay Ilayang Nangka, Tayabas City, Quezon noong Sabado ng umaga.
Pumasok ang isang lalaki na naka-itim na long-sleeved na damit at helmet sa bahay, saka biglang bumunot ng baril at pinaputukan si Anna sa iba't ibang bahagi ng katawan. Agad tumakas ang suspek gamit ang isang walang plakang motorsiklo.
Dinala ng pamilya ang ginang sa Tayabas Community Hospital, ngunit idineklara siyang patay ng mga doktor. Kasalukuyang iniimbestigahan ng pulisya ang CCTV footage para matunton ang suspek.
