Ang isang birthday party sa New Jersey, USA ay biglang naging dramatic nang isang firefighter na si Nick Galante ay ibinunyag ang pagtataksil ng kanyang misis na si Samantha Egues sa harap ng pamilya at mga kaibigan. Ang nangyari ay kuhang-kuha sa video at agad kumalat sa TikTok na umabot na ng mahigit 6 million views.
Sa simula ng party, sweet pa si Nick habang hawak ang mic at sinabing may “special gift” siya para sa kanyang asawa. Pero bigla siyang nagbago ng tono, pinatanggal ang wedding ring ni Samantha, at sinabing, "Alam ko lahat. Pati ‘yung mga ininom mong morning after pill!" Nagulat ang lahat at biglang tumahimik ang party.
Ayon kay Nick, ang affair ni Samantha ang dahilan kung bakit nasira ang halos 4 taon nilang pagsasama at kung bakit nasaktan ang kanilang mga anak. Dagdag pa niya, may hawak siyang ebidensya at kilala niya ang lalaki na karelasyon ni Samantha. Ang misis naman ay tumugon lang ng, "Hindi ko alam ang sinasabi mo," at umalis sa party na halatang galit.
Ang buong eksena ay na-video-han ng mga bisita at ipinost sa TikTok at iba pang social media platforms. Maraming netizens ang sumuporta kay Nick, at sinabing deserve niya ng mas mabuting partner. May mga nagsabi rin na "Akala niya engagement ring, 'yun pala breakup gift!"
Sa ngayon, ayon sa ulat ng New York Post, magkasama pa rin sa iisang bahay sina Nick at Samantha habang hinihintay ang desisyon ng korte tungkol sa kanilang mga ari-arian. Wala nang pag-asa na magkabalikan pa sila dahil sa galit at pagkadismaya ni Nick.
