Kapag nag-search ka online ng "paano malalaman kung in love ka," malamang mababadtrip ka lang.
Bakit? Kasi karamihan ng advice na lalabas ay puro kalokohan.
"Palagi mo siyang iniisip."
– Ito, infatuation lang ‘yan.
Kung palagi mo siyang iniisip, baka nakakalimutan mo na ang ibang importanteng bagay sa buhay mo.
Ang tunay na pagmamahal ay hindi sagabal sa buhay, kundi parte lang nito. Tahimik ito, hindi magulo.
"Hinahanap-hanap mo siya palagi."
– Katulad lang din ng nasa taas.
Hindi sukatan ng love ang hindi ka makatiis na hindi siya kasama. Baka obsession na yan, hindi pagmamahal.
"Siya ang ‘lahat’ sa’yo."
– Medyo delikado ‘to.
Hindi dapat umiikot ang mundo mo sa isang tao lang. Dapat may sarili ka ring buhay.
"Kasama mo siya sa future mo."
– Kahit sinong tao, pwedeng ilagay sa imahinasyon mo.
Halimbawa, kung iisipin mo araw-araw na magiging goat farmer ka sa Switzerland, baka paniwalaan mo rin ‘yan kalaunan. Ganyan din kapag paulit-ulit mong iniisip na kasama mo siya habang nag-aalaga kayo ng aso sa bagong bahay niyo.
Ang tunay na pagmamahal ay hindi palaging pasabog o kilig.
Ito ay yung may katahimikan, respeto, at pag-aalaga — kahit wala ng fireworks.
