Ang OPPO Pad Air5 ay opisyal nang inilunsad sa China at mukhang pamilyar ang mga specs nito. Pinapagana ito ng Dimensity 7300 processor, may hanggang 12GB LPDDR5X RAM at 256GB UFS 3.1 storage, at available sa WiFi at 5G variants.
Mayroon itong 12.1-inch IPS display na may 120Hz refresh rate, 2800×1980 resolution, at hanggang 900 nits brightness. Parehong 8MP camera ang nasa harap at likod, na kayang mag-record ng Full HD video.
Para sa battery, may 10050mAh capacity ito na may 33W wired charging at tumatakbo sa ColorOS 16. May Soft Light version din na may matte display. Nagsisimula ang presyo sa CNY 1899 (~Php 16k) para sa WiFi at CNY 2399 (~Php 21k) para sa 5G, at ibebenta simula December 31, bagamat wala pang kumpirmadong global release.
