Ang Land Transportation Franchising and Regulatory Board (LTFRB) ay pumayag na makabiyahe ang Public Utility Vehicles (PUV) kapag naka-post na ang kanilang digital Provisional Authority (PA) sa online verifier ng ahensya.
Kasama sa mga PUV ang jeepney, bus, at TNVS. Dati, kailangan pa ng hard copy ng PA bago makabiyahe. Ngayon, sapat na ang digital copy na makikita online.
Ayon sa LTFRB, mahalaga ang digital PA para madaling ma-check ng enforcers kung may tamang papeles ang sasakyan. Mas protektado rin ang driver at operator kapag sila ay nasita.
Bahagi ito ng Ease of Doing Business Act (RA 11032) na layong pabilisin ang proseso at bawasan ang red tape sa gobyerno.
Sa bagong patakaran, mas maraming PUV ang inaasahang babiyahe para gumaan ang sakay ng mga commuter, lalo na ngayong holiday season.
