Ang Kapamilya actress na si Chie Filomeno ay naglabas ng kanyang saloobin tungkol sa breakup nila ni Jake Cuenca at sa umano’y ‘betrayal’ ng malapit na kaibigan. Sa kanyang social media post, sinabi niyang hindi na niya kayang turuan kung paano siya dapat mahalin. “We both deserve better. I wish him all the best,” ani Chie.
Ginamit din niya ang audio clip ng isang kanta na tumutukoy sa pag-ibig, sakit, at lakas ng loob na umalis sa maling relasyon. Dagdag pa ni Chie, “Sad boi era mo, ako naman nasa healing era.”
Bukod sa isyu ng breakup, binanggit din ni Chie ang sakit na dulot ng umano’y ‘friend betrayal.’ Aniya, mas masakit ang ginawa ng isang kaibigan na imbes na ipagtanggol siya, ay ginamit pa ang internet para siraan ang kanyang pagkatao. Hindi niya pinangalanan pero maraming netizens ang nag-isip na si Sofia Andres ang tinutukoy.
Sa kabila ng lahat, ipinahayag ni Chie ang pasasalamat sa mga taong patuloy na sumusuporta at nagmamahal sa kanya. “Life is still good! I know my worth and I am finally surrounded by people who truly have my back,” sabi niya.
Matatandaang kinumpirma nina Chie at Jake ang kanilang relasyon noong 2023. Ngunit nitong Oktubre, umamin si Jake na “that chapter of my life is over now.” Samantala, ilang fans ang nagbigay ng encouraging comments kay Chie: “Laban girl! Magpakagaling ka, iyon ang best revenge.”
