Ang mga proyekto para sa flood control ay may pondo pa rin sa 2026 gamit ang hindi nagamit na budget mula 2022 hanggang 2025, ayon kay Senado Finance Committee Chair Sherwin Gatchalian. Nilinaw niya na kahit tinanggal ang hiling na ₱275 bilyon ng DPWH, may mga proyekto pa ring itutuloy lalo na sa mga lugar na madalas bahain.
Ayon kay Gatchalian, ang DPWH at DBM ay nire-review ang mga proyekto isa-isa para matiyak na epektibo ang mga flood control interventions. Maaari pa ring manatili ang maliit na pondo para sa mga lugar na natukoy ng Project NOAH bilang high-risk sa baha.
Nilinaw din niya na hindi lahat ng flood control projects ay ititigil. May mga flood pumps at pasilidad na napatunayang epektibo at ipagpapatuloy. Pero ang mga questionable dike at river walls ay dadaan sa masusing review bago aprubahan.
Samantala, iniulat ni BH party-list Rep. Robert Nazal na umabot sa ₱1.3 trilyon ang nawalang pondo dahil sa korapsyon sa DPWH flood control projects sa loob lamang ng apat na taon. Nanawagan siya ng isang science-based na plano para sa pangmatagalang solusyon at hindi lang pansamantalang proyekto.
Sa Oriental Mindoro, kinumpirma ng isang independent audit group na ang anim na flood control projects ay tunay at hindi ghost projects. Gayunpaman, may mga nakitang problema tulad ng cracks, exposed rebars, at maling waste disposal, na karamihan ay gawa ng iisang contractor.
