Marvel Studios ay naglabas ng bagong trailer para sa “Eyes of Wakanda,” isang apat na bahagi na animated miniseries na hango sa sikat na "Black Panther" movies ni director Ryan Coogler.
“Eyes of Wakanda” ang unang serye ng Phase Six ng Marvel Cinematic Universe. Magfo-focus ito sa Hatut Zaraze, mga mandirigmang Wakandan na gumagawa ng mapanganib na misyon sa iba’t ibang panig ng mundo para kunin ang mga vibranium artifacts sa kasaysayan.
Hindi tulad ng “What If…?” animated series na nagpapakita ng alternate universes, Eyes of Wakanda ay nakatakda sa MCU’s Sacred Timeline. Ipapakita nito ang iba’t ibang misyon ng Hatut Zaraze simula pa noong Bronze Age.
Sa trailer, makikita rin ang tila sinaunang Iron Fist, isang bihasang martial arts fighter mula sa lihim na lungsod ng K’un-Lun.
Lalabas ang apat na episodes ng “Eyes of Wakanda” sa Pilipinas sa Biyernes, Agosto 1, 2025.
