Ang My Chemical Romance ay muling magbabalik sa Southeast Asia sa 2026 para sa kanilang “Long Live The Black Parade Tour.” Ipinahayag ito ng banda sa kanilang Instagram page, kung saan inanunsyo nila ang anim na tour dates para sa susunod na taon.
Ang tour ay magsisimula sa April 18 sa South Korea at susundan ng mga show sa Thailand, Philippines, Singapore, at Malaysia. Magtatapos ito sa Jakarta sa Hammersonic Festival sa May 3.
Bilang bahagi ng selebrasyon ng 20th anniversary ng kanilang sikat na album, tutugtugin ng banda ang buong The Black Parade album sa bawat show.
Sa ngayon, wala pang anunsyo tungkol sa ticket prices at release dates, pero inaasahang ilalabas ito sa mga darating na buwan.
Kasalukuyang nasa North America ang banda para simulan ang tour ngayong buwan, bago sila tumungo sa Asia sa 2026.
