Ang BMW Motorrad ay muling nagpakita ng kanilang galing sa off-road motorsport sa pamamagitan ng paglulunsad ng bagong BMW R 12 G/S sa Pilipinas. Opisyal itong ipinakilala ng SMC Asia Car Distributors Corp., ang awtorisadong importer at distributor ng BMW Motorrad sa bansa.
Matagal nang kilala ang BMW sa kanilang high-torque boxer engine at matibay na shaft drive system. Noong 1980, inilunsad nila ang R 80 G/S, ang kauna-unahang series-production enduro na may boxer engine. Ang “G/S” ay mula sa salitang Aleman na Gelände/Straße (off-road/street), simbolo ng balanseng kombinasyon ng touring comfort, off-road capability, at dynamic road performance.
Ang bagong BMW R 12 G/S ay nagbibigay pugay sa kanilang legacy habang may kasamang modern engineering at technology. Limitado lamang sa 10 units sa Pilipinas, available ito sa Option 719 Sandrover Matt/Aragonite variant na may presyo na PHP 1,755,000.
Pinapagana ang R 12 G/S ng 1,170cc air/oil-cooled boxer engine, na may 109 horsepower sa 7,000 rpm at 115 Nm torque sa 6,500 rpm. Tampok nito ang long-travel suspension, cross-spoke wheels, at compact cockpit fairing, na nagpapatibay sa enduro-ready stance nito. Lahat ng units sa Pilipinas ay may kasamang Enduro Package Pro, kabilang ang 21-inch front at 18-inch rear wheels na may knobby tires, handguards, reinforced belly pan, handlebar riser, at 875mm seat height.
Ang modernong rider aids ay may Rain, Road, Enduro, at Enduro Pro riding modes, Dynamic Traction Control, engine drag torque control, ABS Pro, at Shift Assistant Pro. Kumpleto rin ito sa LED lighting na may “X” headlight design at Keyless Ride technology. Suportado ang bagong BMW R 12 G/S ng limang taong o 500,000-kilometer BMW Motorrad warranty, siguradong protektado ang bawat rider sa kanilang adventure.
