Handa na ang Philippines para sa pinakaaabangang music festival ng taon! Ang Cup of Joe, TJ Monterde, Ben&Ben, at HORI7ON ay magtatanghal sa ROUND Music Festival 2026 sa Smart Araneta Coliseum sa Abril 18 at 19. Isang natatanging pagkakataon para maranasan ang OPM kasama ang mga sikat na artists mula sa South Korea at iba pang bansa ng ASEAN.
Sa unang araw ng festival, tampok sina Cup of Joe at TJ Monterde, kasabay ng mga international artists tulad nina Syafiq Abdilah (Brunei), Pamungkas (Indonesia), MIMIFLY (Malaysia), Velocity (Myanmar), at MeloMance (South Korea). Siguradong puno ng enerhiya at talento ang unang araw ng festival.
Ang ikalawang araw naman ay para sa mga fans ng Ben&Ben at HORI7ON, kasama ang mga international acts tulad nina G-Devith (Cambodia), JoJo Miracle (Laos), Regina Song (Singapore), Tilly Birds (Thailand), Chillies (Vietnam), at 10CM (South Korea). Isang pagkakataon para masaksihan ang global collaboration sa musika sa puso ng Manila.
Simula pa noong 2020, ang ROUND Music Festival ay naging taunang selebrasyon ng ASEAN-Korea Music Festival project. Ipinapakita nito ang pinakamahuhusay na talento mula sa South Korea at 10 ASEAN nations, kasama na ang Philippines. Sa taong ito, kauna-unahang pagkakataon na ihahandog ang festival sa bansa sa pakikipagtulungan ng National Commission for Culture and the Arts (NCCA).
Ang dalawang araw na kaganapan ay libre para sa publiko. Magbubukas ang registration sa Pebrero 14, 2026, 12:00 NN, at magtatapos sa Pebrero 16, 11:59 PM. Maaaring magparehistro ang mga fans sa official Facebook at Instagram ng ROUND at NCCA. Huwag palampasin ang pagkakataong maging bahagi ng pinakamalaking music festival ng taon!
