Inilunsad ng British hi-fi brand na iFi ang kanilang pinakabagong flagship, ang iDSD PHANTOM, na tinaguriang “world first for home audio.” Pinagsasama nito ang reference-class DAC, ultra-high-resolution network streamer, at high-powered headphone amplifier sa iisang eleganteng chassis.
Batay sa Pro iDSD, ang bagong PHANTOM ay gawa sa mostly metal, tumitimbang ng halos 3.6 kg, at may mga pag-upgrade sa lahat ng pangunahing aspeto ng naunang modelo. Kasama dito ang new streaming engine, upgraded digital conversion, mas mataas na output power, at mas malawak na user control, na nagbigay ng complete refresh sa buong system.
Sentro ng PHANTOM ang latest ultra-resolution streaming platform ng iFi, na may suporta sa Qobuz Connect, TIDAL Connect, Spotify Connect, AirPlay 2, at Roon. Kayang mag-playback ng hanggang 768kHz PCM at DSD512 natively, na nagbibigay ng walang kapantay na clarity at detalye sa bawat musika.
Isa sa mga pinaka-highlight na feature ng PHANTOM ay ang DSD Remastering hanggang DSD2048, gamit ang proprietary Chrysopoeia FPGA engine ng iFi. Nag-aalok din ito ng tatlong selectable listening modes – solid-state, tube, at Tube+ – para sa mga headphones at iba't ibang genre ng musika, na puwede mong i-switch real-time sa pamamagitan ng simpleng pindot lang.
Nagbibigay ang PHANTOM ng hanggang 7,747mW peak output sa pamamagitan ng pure Class A amplification, sapat na para sa mataas na impedance at planar magnetic headphones. May kasamang K2HD Technology, XBass Pro, at XSpace Pro, na nag-enhance ng bass at spatial audio nang hindi naaapektuhan ang core signal. Available na ito para sa pre-order sa iFi at selected dealers sa presyong $4,499 USD.
