Ang isang pribadong grupo ang nanawagan ng mas malinaw na patakaran at mas malawak na pagpapatupad ng LTO ban sa e-trike at e-bike sa mga pangunahing kalsada sa Metro Manila. Sinimulan ng LTO ang mahigpit na pagpapatupad ng pagbabawal sa EDSA, C-5, Roxas Boulevard, at Quirino Avenue hanggang SLEX, kung saan ang mga lalabag ay mumurahin at maaaring ma-impound ang sasakyan.
Sinusuportahan ng Electric Vehicles Association of the Philippines (EVAP) ang hakbang ng LTO dahil sa kaligtasan ng mga motorista at pasahero, ngunit iginiit ang pangangailangan ng mas malinaw na implementasyon. Ayon kay EVAP President Edmund Araga, dapat malinaw kung anong uri ng e-trike ang pinapayagan at kung aling mga secondary roads ang maaari nilang daanan, lalo na para sa mga L3 at L4 category na rehistrado at compliant sa mga regulasyon.
Ibinahagi rin ng LTO na 114 motorista ang nahuli sa unang araw ng implementasyon at magdadagdag pa ng personnel at enforcement teams para matiyak ang buong pagsunod. Gayunman, iginiit ng EVAP na ang pagbabawal ay hindi lang dapat sa Metro Manila, kundi nationwide, dahil marami nang e-trikes ang ginagamit bilang public transport sa Luzon, Visayas, at Mindanao, kabilang ang mga hindi rehistrado at delikado sa national highways.
Binigyang-diin din ng grupo na ang kaligtasan at kapakanan ng publiko ay dapat mangibabaw kaysa sa usapin ng kabuhayan, at mahalaga ang koordinasyon ng LTO at LGUs. Ayon sa EVAP, may kritikal na papel ang LGUs sa pag-identify ng mga ruta at designated areas para sa e-trikes at e-bikes upang maging epektibo at makatarungan ang implementasyon. Bukas ang EVAP sa patuloy na dayalogo at konsultasyon upang makabuo ng mas maayos na patakaran.
